O proxecto Climántica desde o grupo de investigación universitario SEPA- interea da Universidade de Santiago de Compostela (USC), en consorcio con Fábrica Centro de Ciencia Viva da Universidade de Aveiro, convocan o congreso xuvenil virtual internacional CLMNTK21. Este congreso virtual internacional ten dúas grandes finalidades:
-
Sensibilizar á poboación, a través da elaboración e publicación no portal do congreso virtual, produtos multimedia sobre os retos ambientais globais contemporáneos: cambio climático, enerxía, auga, cambio global no océano, conservación da biodiversidade xenética, ecosistemas tropicais e capital biocultural.
-
Seleccionar, de acordo coas bases expresadas nesta convocatoria, aos estudantes que participcipen no Cuarto Campus Internacional Climántica en Fábrica, Centro e Ciencia Viva na Universidade de Aveiro (do 3 ao 7 de setembro de 2021 – plan A -, do 9 ao 13 de abril de 2022 – plan B -, do 1 ao 5 de xullo de 2022 – plan C – ou do 3 ao 7 de setembro de 2022 – plan D -, según evolución da pandemia) que se describe na páxina 4 e detállase na antepenúltima páxina.
Séguese o mesmo proceso para seleccionar aos docentes acompañantes. Estes serán os que orienten a elaboración dos traballos seleccionados individuais ou en grupos dos seleccionados.
Os docentes acompañantes pasarán a formar parte do seminario docente de investigación- acción sobre o campus acreditado polas organizacións universitarias colaboradoras.
Para os profesores que traballan en centros españoles sostidos con fondos públicos está aprobada a homologación que desde o 2015 vén concedendo o Ministerio de Educación a través do seu convenio coa AEPECT e que se desenvolverá segundo o programa expresado na penúltima páxina.
